തിരുവന്തപുരത്ത് 2009 മുതൽ പ്രവർത്തിച്ചുവരുന്ന ഒരു നേതൃത്വ /സംരംഭക പരിശീലന സ്ഥാപനമാണ് കാന്താരി. ജർമ്മൻ കാരിയായ അന്ധ വനിത സാബ്രിയേ ടെൻബെർക്കെറും അവരുടെ സുഹൃത്ത് നെതർലണ്ടുകാരൻ പോൾ ക്രോണെൻബെർഗുമാണ് കാന്താരിയുടെ സ്ഥാപകരും നടത്തിപ്പുക്കാരും. സാമൂഹ്യപ്രതിബദ്ധതയുള്ളവരും ജീവിതത്തിൽ പ്രതികൂലസാഹചര്യങ്ങളെ അതിജീവിക്കേണ്ടി വന്നവരുമായ വ്യക്തികളെ സമൂഹത്തിന്റെ മാറ്റത്തിനും ഉന്നമനത്തിനുമായി പ്രവർത്തിക്കുവാൻ പ്രാപ്തരാക്കുകയാണ് കാന്താരിയുടെ ലക്ഷ്യം. ഇന്ത്യ കൂടാതെ അമേരിക്ക, കൊളംബിയ, ഉഗാണ്ട, നൈജീരിയ. സീറാ ലിയോൺ, നേപ്പാൾ,ഹങ്കറി, കെനിയ തുടങ്ങി ലോകത്തിലെ വിവിധ രാജ്യങ്ങളിൽനിന്നായി നിരവധി വിദ്യാർത്ഥികൾക്കു് ഇവിടെനിന്നും പരിശീലനം സിദ്ധിച്ചുവരുന്നുണ്ട്.